తమిళనాడు ముఖ్యమంత్రిగా బాధ్యతలు చేపట్టిన విజయ్..

చెన్నై: తమిళనాడు ముఖ్యమంత్రిగా తమిళగ వెట్రి కళగం(టీవీకే) చీఫ్ జోసెఫ్ విజయ్ బాధ్యతలు స్వీకరించారు. గవర్నర్ రాజేంద్ర విశ్వనాథ్ అర్లేకర్ ప్రమాణ స్వీకారం చేయించిన అనంతరం విజయ్ నేరుగా సచివాలయానికి వెళ్లారు. ఈ సందర్భంగా అధికారులు ఆయనకు ఘనస్వాగతం పలికారు. అనంతరం ముఖ్యమంత్రి ఛాంబర్‌లోకి విజయ్‌ను తీసుకెళ్లారు. సీఎం సీటులో కూర్చోవాల్సిందిగా అధికారులు కోరారు.

ఈ మేరకు ముఖ్యమంత్రి కుర్చీ వద్దకు వెళ్లిన విజయ్ అందరికీ నమస్కరించారు. అనంతరం చిరునవ్వుతో ముఖ్యమంత్రి సీటులో కూర్చొని బాధ్యతలు స్వీకరించారు. కాగా, చెన్నైలోని జవహర్ లాల్ నెహ్రూ ఇండోర్ స్టేడియంలో ఈ రోజు తమిళనాడు సీఎంగా విజయ్‌ ప్రమాణ స్వీకారం చేశారు. ఈ కార్యక్రమానికి కాంగ్రెస్ అగ్రనేత రాహుల్ గాంధీ సహా పలువురు రాజకీయ, సినీ ప్రముఖులు హాజరయ్యారు. ముఖ్యంగా సినీ నటి త్రిష సందడి చేశారు.

ఈ వార్తలు కూడా చదవండి

సీఎంగా విజయ్ ప్రమాణ స్వీకారం.. అంబరాన్ని అంటిన సంబరాలు..

సీఎంగా విజయ్ తొలి మూడు సంతకాలు ఇవే..